ООУ “Христо Узунов” - Другово

Билјана Анѓелеска - професор по одделенска настава

Стручните соработници во училиштето извршуваат разни активности во текот на учебната година како:

• запишување на учениците и следење на нивниот развој во училиштето;
• реализација на активности со учениците;
• професионална ориентација/кариерен развој на учениците;
• учество во планирање на воспитно-образовна работа на ниво на училиште;
• поддршка во планирање и реализација на наставата;
• поддршка на стручните активи на наставниците во избор и создавање на дидактички средства и материјали;
• поддршка на наставниците за работа со учениците;
• поддршка на наставниците за водење на педагошката документација и евиденција;
• развивање на програми за унапредување на работата на училиштето (подобрување на резултатите и постигањата на учениците, инклузија, интеграција, интерклутура, демократско учество во работата на училиштето и сл.);
• развивање постапки и инструменти за следење и вреднување на постигањата на учениците и самовреднување на училиштето;
• учество во планирање, организирање и реализација на сопствениот професионален развој и на професионалниот развој на воспитно-образовниот кадар во училиштето, соработка и работа со родители/старатели;
• поддршка на работата на училишна заедница на учениците;
• примена на прописите за остварување на правата и должностите на учениците, напредувањето и изрекувањето на педагошки мерки;
• организирање на педагошка и методска практика на студенти;
• организирање и водење на работата на училишната библиотека;
• водење на професионални досиеја и
• вршење на други работи определени со годишната програма за работа.

	Име	Презиме	Раб. место
1	Оливера	Е. Илиевска	Педагог
2	Јасмина	Дејаноска	Психолог
3	Цвете	Наќеска	Дефектолог
4	Дафинка	Сталеска	Библиотекар

ЦЕНТРАЛНО УЧИЛИШТЕ

ПУ БРЖДАНИ (Комбинирана паралелка од IV и V)

ПУ СРБЈАНИ (2 комбинирани паралелки: [I, II, III] и [IV, V])

ПУ ПОДВИС (паралелката е во мирување)

Наставничкиот совет на основното училиште го сочинуваат одделенските и предметните наставници и стручните соработници на училиштето. Наставничкиот совет го свикува и со него претседава директорот.

Наставничкиот совет на основното училиште ги извершува следните активности:

• Дава мислења по предлогот на прогамата за развој и на годишната програма за работа и го следи нејзиното извршување;
• Го разгледува и утврдува успехот на учениците и работата на други стручни органи;
• Им одобрува на учениците побрзо напредување во основното училиште;
• Го разгледува остварувањето на наставниот план и програмите и презема мерки за нивно извршување;
• Донесува одлуки по приговори на учениците за утврдени оценки;
• Го разгледува извештајот од реализација на годишната програма за работа, од самоевалуација, од извршената интегрална евалуација и предлага соодветни мерки, расправа и одлучува за стручни прашања поврзани со воспитно-образовната работа;
• Дава мислење за годишниот финансиски план на училиштето;
• Избира претставници во училишниот одбор;
• Дава мислење за планирањето, реализацијата и вреднувањето на постигањата во наставата и учењето;
• Го разгледува годишниот извештај за работа на наставниците и стручните соработници и Националниот извештај за работа на наставниците и стручните соработници и предлага соодветни мерки;
• Дава предлози за напредување на наставниците и стручните соработници на училиштето;
• Одлучува за воспитни мерки; и
• Други работи утврдени во статутот на училиштето.

Орган на управување на основното училиште е училишниот одбор. Училишниот одбор на основното училиште е составен од седум члена, и тоа: тројца претставници од наставниците, стручните соработници и воспитувачите од училиштето, тројца претставници од родителите на учениците и еден претставник од основачот. Мандатот на членовите на училишниот одбор е три години, а мандатот на претставниците на родителите е за период до завршување на основното образование на нивното дете, но не подолго од три години. Училишниот одбор од редот на своите членови избира претседател со мнозинство гласови од вкупниот број членови, по пат на тајно гласање. Одлуките на училишниот одбор се донесуваат со мнозинство гласови од вкупниот број членови.

Училишниот одбор на основното училиште ги извршува следните активности:

• Донесува статут на основното училиште;
• Предлага годишна програма за работа и извештај за работа на основното училиште до советот на општината;
• Донесува програма за развој на училиштето;
• Донесува програма за воведување на повисоки стандарди и други програми;
• Предлага финансиски план до основачот;
• Предлага завршна сметка до основачот;
• Објавува јавен оглас за избор на директор во најмалку три дневни весници кои се издаваат на целата територија на Република Македонија од кои еден од весниците кој се издава на јазикот што го зборуваат најмалку 20% од граѓаните кои зборуваат службен јазик различен од македонскиот јазик;
• Врши интервју со кандидатите за директор;
• Предлага на градоначалникот на општината еден, односно двајца кандидати од пријавените кандидати на објавениот јавен оглас за избор на директор;
• Дава мислење до директорот за избор на наставниците, стручните соработници и воспитувачите;
• Поднесува предлог до директорот за престанок на работниот однос на лицата;
• Одлучува по приговорите и жалбите на вработените во основното училиште;
• Одлучува по жалбите на ученици, родители, односно старатели на ученици; и
• Други работи утврдени со статутот на основното училиште

	Име	Презиме	Претставник од:	Функција
1	Андријана	Стојаноска	Совет на родители	Претседател
2	Маја	Велкоска	Совет на родители	Член
3	Наташа	Миладиноска	Совет на родители	Член
4	Дејан	Стојкоски	Наставен кадар	Член
5	Јованка	Алексоска	Наставен кадар	Член
6	Жаклина	Стојановска	Наставен кадар	Член
7	Анета	Сарџоска	Општина Кичево	Член

Советот на родителите делува во рамките на соработката на училишетето со родителите,заради разгледување на прашања од заеднички интерес за работата на училишетето и учениците, како и прашања поврзани со реализацијата на процесот на воспитнообразовнатата работа во училиштето. Бројот на членовите на Советот на родителите зависи од бројот на паралелките во училиштето. Преставникот од секоја паралелка го избират родителите на родителски состанок на паралелката во месец Септември односно со почетокот на учебната година, со мнозинство гласови од вкупниот број на родители на учениците од паралелката.

Советот на родителите:

• Дава мислење предлог програмата на училиштето и за годишната програма за работа на учлиштето;
• Расправа за извештајот за работата на училиштето како и за подобрување на успехот и поведението на учениците;
• Предлага програми за подобрување на стандардите во наставата;
• Дава согласност на предлозите на директорот за воведување на повисоки стандарди;
• Организитање на јавниот и културниот живот на учениците,спортски и други манифестации,заштита на животната средина во училиштето и надвор од него;
• Разгледува жалби на родителите во врска со воспитно-образовната работа;
• Избира тројца преставници во училишниот одбор, со непосредно и тајно гласање;
• Дава мислење за екскурзиите,настава во природа и планот за нивна реализација,кој неможе да се реализира доколку мислењето на Советот не е позитивно;
• Ги организира другите родители за учество и реализација на јавниот и културниот живот на училиштето;
• Ги ангажира родителите за собирање на финансиски средства за обновување на инвентарот,опремување на училиштето,помагање на ученици-социјални случаи и сл.;
• Активно учествува во реализација во меѓучилишната соработка во градот и надвор од него;
• Донесува одлуки за реализација на финансиските проблеми околу одржување на училиштето;
• Дава предлози и мислења до Наставничкиот совет и до Училишниот одбор за други прашања што се од интерес за учениците и училиштето.

	Име	Презиме	Функција
1	Сања	Блажеска	Член
2	Ване	Кузманоски	Претседател
3	Дарко	Данилоски	Член
4	Елена	Веланоска	Член
5	Јасмина	Спасеноска	Член
6	Билјана	Миноска	Член
7	Маја	Велкоска	Член
8	Слободан	Митрески	Член
9	Зора	Соколеска	Член
10	Наташа	Миладиноска	Член
11	Даниела	Сиљаноска	Член
12	Слаѓана	Србиноска	Член
13	Маја	Дојчиноска	Член
14	Драгица	Петреска	Член
15	Виолета	Ванчоска	Член

Заедницата на учениците е значаен сегмент во организацијата на животот и работата во училиштето. Заедницата на учениците е организирана во сите паралелки од петто до деветто одделение, а по правило учениците избираат претставници на заедницата на паралелката кои ќе учествуваат во работата на Ученичкиот парламент. Ученичкиот парламент ги сочинуваат претседателите на заедниците на паралелките.Првото свикување на ученичкиот парламент го врши директорот на училиштето.

Претседателот на Ученичкиот парламент се избира со мнозинство гласови од вкупниот број на претставници од претсдателите на заедниците на паралелките по пат на тајно гласање Ученичкиот првобранител се грижи за заштита и унапредување на правата на учениците во училиштето. Ученичкиот правобранител се избира со мнозинство гласови од учениците од седмо до деветто одделение по пат на тајно гласање.

Ученичкиот парламент ги извршува следните активности:

• Активно учествува во застапување и промовирање на правата и интересите на учениците;
• Го промовира ученичкиот активизам;
• Учествува во активности за обезбедување врсничка поддршка на учениците со посебни образовни потреба и во реализацијата на наставата и слободните активности;
• Учествува во подготовката на Годишната програма за работа;
• Дава предлог активности за годишни програми за екскурзии;
• Дава предлози за воннаставни активности на училиштето;
• Дава предлози за подобрување на ученичкиот стандард;
• Учествува во евалуацијата на работата на училиштето;
• Преку свои претставници учествува во Советот на родители и Наставничкиот совет;
• Органзира и учествуваат во хуманитарни активности, еколошки активности и опшествено корисна работа.

Ученичкиот правобранител се грижи за заштита и унапредување на правата на учениците.Тој се избира од учениците од седмо до деветто одделение. Ученичкиот правобранител препознава прекршување на детските права и прибира поплаки од учениците и доставува приговори до директорот и училишниот одбор според пропишана процедура.Тој се избира со мандат по можност од 2 години. Правобранителот во училиштето работи според однапред изготвена програма.

Права на учениците во основното училиште:

• Право на задолжително бесплатно образование;
• Право на недискриминација (по пол, раса, боја на кожа, национално и етничко потекло, попреченост, род, државјанство, социјално потекло, образование, верско уверување, возраст, семејна или брачна состојба, имотен статус, здравствена состојба, општествен статус);
• Право на ученичко организирање;
• Право на еднаквост и правичност;
• Право на инклузивно образование на учениците со ПОП;
• Право на образование на деца со странско државјанство;
• Право на образование на деца со надмината возрасна граница;
• Право на образование во домашни услови за ученици на подолго домашно лекување;
• Право на подршка во учењето за учениците со ПОП;
• Право на дополнителна подршка на ученикот кој покажува послаби резултати;
• Право на избор на додатна настава;
• Право на учество во воннаставните активности;
• Право на здравствена и социјална заштита;
• Право на достапност и пристапност до училишната библиотека;
• Право на запишување на ученикот во училиштето од реонот на кој припаѓа;
• Право на почитување на достоинството на ученикот (Забрането е телесно, психичко и сексуално малтретирање и казнување на ученикот и понижувачко однесување и постапување кон него);
• Ученикот има право и обврска да ја посетува наставата и да учествува во неа;
• Право на ослободување од учество во одделни активности во наставата базирано на потврда од соодветна установа;
• Право на оправдано изостанување од настава од 5 дена во текот на годината, или не подолго од 30 дена со дозвола од директорот;
• Право на организиран или бесплатен превоз ако местото на живеење е оддалечено најмалку 2 километри од најблиското основно училиште;
• Право на бесплате превоз за учениците со ПОП и за нивната придружба;
• Право на жалба до Училишниот одбор;
• Право на оценување на ученикот според член 138 и 139 од Законот за основно образование;
• Право на полагање одделенски испит доколку ученикот од оправдани причини не е оценет;
• Право на слободно изразување на мислењето без да се повредуваат правата на другите;
• Право на заштита од насилство, злоупотреба или занемарување на ученикот;

Ажурирано на: 31.10.2024 во 12:54 часот

eTwinning

Учебна 2024/25

• Music story;
• International Friendship.

Учебна 2023/24

• Music&Nature;
• ECO - Sustainable Ecological schools;
• My home.

Учебна 2022/23

• Traditional toys and games of my region/Tradicijske igračke i igre moga kraja;
• Tales of Cities and Their People;
• A Fun Learning Journey "STEM";
• Culture in the kitchen.

Учебна 2021/22

• My school, My city, My region – Награден со национална и европска ознака за квалитет;
• Come try it out for try – Награден со национална и европска ознака за квалитет;
• Recycling Will Be Good For Us – Награден со национална и европска ознака за квалитет;
• B.B.C: Building Bridges Creatively – Награден со национална и европска ознака за квалитет;
• Recycle for a better future – Награден со национална и европска ознака за квалитет.

Учебна 2020/21

• My town in European union – Награден со национална и европска ознака за квалитет;
• Bringing My Dreams Together With The Sky – Награден со национална и европска ознака за квалитет;
• Trace of my family, ME – Награден со национална и европска ознака за квалитет;
• The history of my country – Награден со национална и европска ознака за квалитет;
• We learn through art;
• Laughter is the best medicine.

Erasmus+

• Еrasmus project KA210 - Everything starts with health (2023-2025);